Guide to CSE: trading platforms

Hot

Showing posts with label trading platforms. Show all posts
Showing posts with label trading platforms. Show all posts

Tuesday, November 20, 2018

අන්තර්ජාලය හරහා කොටස් ගනුදෙනු කිරීම

1:52 PM 0
අන්තර්ජාලය හරහා කොටස් ගනුදෙනු කිරීමේ වාසි හා අවාසි

දැන් දැන් හුඟක්ම ආයෝජකයින් අන්තර්ජාලය හරහා කොටස් ගනුදෙනු කිරීමට වැඩි කැමැත්තක් දක්වනවා, හේතුව තමයි දැන් විශාල වෙබ් අඩවි ප්‍රමාණයක් තිබෙනව, ඉක්මනින්ම පොහොසත් වෙන්න පුළුවන් කියල පොරොන්දු දෙන. කොහොම උනත් අන්තර්ජාලය හරහා කොටස් ගනුදෙනු කිරීමේ වාසි වගේම අවාසිත් තිබෙන බව මතක තබා ගත යුතුයි. කොටස් වෙළඳපළ කියන්නෙ හරිම සංකීර්ණ යන්ත්‍රයක් වගේ දෙයක්, හරියට, අදාල විදිහට ක්‍රියාත්මක කළේ නැතිනම් හරිම අවදානම් දෙයක්. 
ආයෝජන උපදෙස් නොදෙන තැරැව්කාර ආයතනයක් හරහා නම් ඔබ කොටස් ගනුදෙනු කරන්න හදන්නෙ, කොටස් වෙළඳපළ හා එහි ක්‍රියාකාරිත්වය සම්බන්ධයෙන් ඉහළ දැනුමක් ඔබට අනිවාර්යයෙන්ම තිබිය යුතු වෙනවා. නැතිනම් ඔබට ලාභයක් ගන්න නම් බැරි වේවි. තැරැව්කරුවෙක් කියන්නෙ කොටස් වෙළඳපළ හා සම්බන්ධ වී කොටස් ගනුදෙනු කළ හැකි ආයතනයක්. ඔබ තනිවම කොටස් ගනුදෙනු කළත් කරන්නෙ ඒ තැරැව්කරුවා හරහාම තමයි. (ලංකාවෙ සියළුම තැරැව්කාර ආයතනයන්ම ආයෝජන උපදෙස් ලබා දෙනවා, ඒ නිසා ඒ ගැන බයක් වෙන්න ඕනෙ නෑ.)


කොටස් මිලදී ගැනීම, විකිණීම සැලැසුම් සහගතව කළ යුත්තක්. ඒ එක්කම ඔබට පුළුවන් වෙන්න ඕනෙ, වෙලදපළ තත්වය සම්බන්ධයෙන් විශ්ලේෂනාත්මකව පරික්ෂා කරලයි කොටස් ගන්න/විකුණන එක තීරණය කරන්න ඕනෙ, අරක හොඳයි මේක හොඳයි කියල හිතෙන හිතෙන විදිහට කොටස් මිලට ගන්න නරකයි. එක එක තැරැව්කරුවන් එක එක විදිහෙ Trading Platforms (trading software) ලබා දෙනවා, ඒ එක එකක තිබෙන දේවල් වෙනස්. (සමහර ඒවයේ market analysis reports පවා තිබෙනව, සමහර ඒවයෙ නෑ). ඔබට පරික්ෂා කරල බලන්න Demo account එකක් වගේ ගන්න පුළුවන් නම්, ඔබට පහසුවෙයි එක එක ඒවායෙ තිබෙන වාසි අවාසි දැනගන්න. (අවාසනාවට ලංකාවෙ නම් එහෙම ගන්න බෑ)

හොඳම ක්‍රමය තමයි, ඔබගේ උපදේශකගෙන් උපදෙස් ගන්න ගමන්ම, තමනුත් හොඳින් වෙළඳපළ අධ්‍යයනය කිරීම. එතකොට ඔබටත් පුළුවන් යම් තීරනයක් ගන්න, සහ ඔබගේ උපදේශකගේ තීරණයේ නිරවද්‍යතාවය තහවුරු කරගන්න. ඒත් එක්කම විශ්වාසයකින් යුතුව ආයෝජනයක් කිරීමේ හැකියාව ඔබට ලැබෙනවා. 

ඒත් එක්කම ඔබගේ ඉලක්කය ගැනත් සිතිය යුතුයි, මම මීට පෙර ලිපියකත් ඒ ගැන කියල තියෙනවා, ඒ ඉලක්කයට අනුවයි ඔබ ක්‍රියාත්මක විය යුත්තේ. 

Read More

Sunday, April 18, 2010

On Line Trading සහය සපයන්නෝ

11:30 PM 19
තියෙන සියළුම තැරැව්කාර ආයතන 21න් 18ක් අන්තර්ජාලය හරහා කොටස් වෙළඳපළ හා ගනු දෙනු කිරීමට සහය දක්වනවා.
මේක හුඟක් ලොකු වාසියක් වෙනව ගොඩක් පැති වලින්. 
මේව හරහා, වෙළඳපළ පිළිබඳ තොරතුරු, ඒ ඒ සමාගම් පිළිබඳ තොරතුරු, වෙනත් අධ්‍යාපනික වටිනාකමින් යුතු ආයෝජනයන්ට අදාල තොරතුරු විශාල ප්‍රමාණයක් ආයෝජකයන්ට ලබා ගැනීමට පුළුවන්. ඒක ආයෝජකයාට විශාල පහසුවක් වගේම විවිධ අපහසුතාද මග හරවනවා.
තමුන්ගේ තොරතුරු වලට තමුන්ගේ උපදේශකයා නොමැතිව ලඟාවීමට හැකි වීම හා උපදේශකයාගෙ සහයක් නොමැතිව තනිවම වෙළඳාම් කිරීම වඩා වේගවත් වගේම පහසු ක්‍රමයක් වෙනවා.


හරි දැන් අපි ඒ තැරැව්කාර ආයතන මොනවද කියල බලමු.





Read More

Monday, April 12, 2010

කොළඹ කොටස් වෙළඳපළ සමඟ කෙලින්ම සම්බන්ධ වෙන්න CDAX පාවිච්චි කරන්න

9:15 AM 0


CDAX කියන්නෙ මොකක්ද කියල කට්ටිය දැන් දන්නවනෙ? ආපහු කියමුකො, Colombo Direct Access Xchange (CDAX) කියන්නෙ පරිගණක මෘදුකාංගයක්. එය හරහා ඔබට පුළුවන් කොළඹ කොටස් වෙළඳපළේ ද්විතීය වෙළඳපළ සමඟ කෙලින්ම සම්බන්ධ වෙන්න තැරැව්කාර සමාගමේ කිසිවෙකුගේ සහයක් රහිතව.
ඊටපස්සෙ? 
ඊටපස්සෙ ඉතින් මොනවද, ඔයා කොටස් වෙළඳපළ ඇතුළෙ ඉන්නව වගේ තමා. වෙන හැම trade එකක්ම ඔයාට, ඒකෙන් ඒ වෙලේම පෙන්නනව. (real time trading)
ඉතින් මට මොකෝ. 
මොකද, ඔබ මිලදී ගත්තු කොටස් වල මිල ඉහල ගියොත්, ඔබට කැමති නම් එවෙලෙම ඒ කොටස් විකිණීමේ හැකියාව ඔබට තිබෙනව. ඔබට ගැළපෙන සමාගමක / වාසියක් ගන්න පුළුවන් සමාගමක කොටස් වල මිල පහළ ගියොත් , එවෙලෙම ඔබට එම සමාගමේ කොටස් මිලට ගන්න මේ මෘදුකාංගය හරහා පුළුවන්. විකුණන්න හෝ මිලට ගන්න අවශ්‍ය කොටස් මිලක් සළකුණු කරල පෝලිම් ගස්සල තියන්නත් පුළුවන්. (Queue) ඕනෙ නම් ඉදිරි දවසකදි ඒක වැටෙන්න. එක එක කොටස් සම්බන්ධ අතීත තොරතුරු මෙමගින් ලබා ගන්න පුළුවන්.  
උදා: කොටස් වල මිල උච්ඡාවචනය වෙලා තියෙන්නෙ කොහොමද, කොපමණ කොටස් විකිණිලා තියෙනවද වැනි දේවල්.
මේවට අමතරව තව පහසුකම් තිබෙනව මෙම මෘදුකාංගය තුළ. ඔබට මෙම පහසුකම ගන්න දැනට ක්‍රම දෙකක් තිබෙනව.  
1. මෘදුකාංගය පරිගණකයට ස්ථාපනය කර ගැනීමෙන් (CDAX Pro) 
2. ඔන්ලයින් CDAX අතුරු මුහුණත මගින් (CDAX Net) 
තුන්වන ක්‍රමය මග එනව, ඔබේ ජංගම දුරකතනයට CDAX Mobile ස්ථාපනය කර ගැනීම මගින්.
ඒක දාගත්තට පස්සෙ අන්තර්ජාල පහසුකම තිබෙනව නම් ඔබ කොටස් වෙළඳපළ තුළට පිවිසෙන්නට සූදානම්. ඔබේම පරිශීලක නමක් හා ඔබේම මුරපදයක් භාවිතා කරල ඔබට පුළුවන් ඔබේ ගිණුමට හා වෙළඳපළ තුළට ඇතුළු වෙන්න. (මෙම විස්තර ඔබගේ තැරැව්කාර සමාගමෙන් ලබා දෙනව. ඔබට පසුව පුළුවන් ඔබේ මුරපදය වෙනස් කර ගන්න.)
CDAX වෙබ් අඩවියට පිවිසෙන්න මෙතන කොටන්න.
මතකයිනෙ මෙම පහසුකම දැනට දෙන්නෙ තැරැව්කාර සමාගම් 7ක් පමණයි. ඒ කවුද කියල දැනගන්න 2 වන ලිපිය කියවන්න. ඒ සඳහා මෙතන කොටන්න.
Read More

Post Top Ad